Mblesëria Fillon Tani!


Horoskopi Ditor, e Diel 10 Korrik 2016



Ky është horoskopi për ditën e diel, 10 korrik 2016 që Mbleseri.com sjell për ju. Dita do të favorizojë një pjesë të mirë të shenjave, ndërsa për disa të tjera paraqiten probleme. Gjeni më poshtë parashikimin e detajuar për të lindurit e çdo shenje.


Dashi


Dita do të jetë kryesisht e qetë, ku më në fund do arrini të pushoni pas një jave shumë të ngjeshur. Këshillohet që të kaloni më shumë kohë me familjen, pasi së fundmi e keni lënë pas dore për shkak të angazhimeve që keni patur. Raporti në çift do të jetë më së miri.


Demi


Pavarësisht se është e diel, ju presin angazhime të shumta. Në mëngjes duhet të bëni disa blerje me rëndësi. Ndërkohë gjatë pasdites mund të keni debate me partnerin për shkak të disa punëve të shtëpisë. Ruani qetësinë pasi dita do të mbyllet shumë shpejt.


Binjakët


Do të keni mundësinë të relaksoheni bashkë me familjen, për shkak se nuk ju pret ndonjë punë. Këshillohet që të organizoni një ekskursion ose një ditë të kaluar në det. Në mbrëmje do të ftoheni në një festë, por nëse e ndjeni veten të lodhur refuzoni, pasi keni nevojë për pushim. Situata financiare po shkon gradualisht drejt përmirësimit.


Gaforrja


Ju pret një ditë me ulje- ngritje. Momenti më i keq do jetë pasditja, ku do t’iu duhet të merreni me një çështje familjare, e cila do ju marrë orë të tëra. Gjatë pasdites do të kaloni disa momente harmonie me njeriun tuaj të zemrës. Situata financiare nuk është më e mira, por nuk ka asgjë për t’u shqetësuar.


Luani


Kjo ditë mund të cilësohet pa frikë perfekte. Do të zgjoheni me humor të mirë dhe kjo gjë do ju lejojë që t’i shikoni gjërat me një sy tjetër. Gjatë pasdites, një i afërmi juaj do ju takojë, duke ju dhënë një lajm që do ju lumturojë. Në fushën e ndjenjave raporti me personin që doni, do jetë shumë i mirë, por mundohuni të surprizoni herë pas here me dhurata të vogla, për t’i lënë të kuptojë se e mendoni vazhdimisht.


Virgjëresha


Intuita juaj nuk do të gabojë gjatë kësaj të diele. Këshillohet që të mos i besoni plotësisht asaj, pasi mund edhe të gaboni. Bëni mirë të kërkoni ndihmën e të afërmve, nëse keni dyshime mbi vendimet që duhet të merrni. Kjo nuk është dita ideale për të bërë investime financiare. Shëndeti nuk do ju krijojë shqetësime.


Peshorja


Disa zënka me personat që ju rrethojnë do të shkatërrojnë mëngjesin tuaj, ndaj mundohuni të mos tregoheni shumë impulsiv, për të mos përkeqësuar situatën. Një ngjarje me fat do ju përmirësojë humorin gjatë pasdites, duke ju rikthyer buzëqeshjen. Në mbrëmje mund të harroni diçka me rëndësi, duke inatosur partnerin.


Akrepi


Disa situata të favorshme, do e bëjnë ditën tuaj edhe më pozitive. Për disa prej jush do të ketë suksese në fushën e punës, ndërsa për të tjerët në atë të ndjenjave. Humori juaj do jetë shumë i mirë dhe do përcillet edhe tek partneri. Në mbrëmje do të relaksoheni në shoqërinë e njerëzve që doni, duke bërë plane për të ardhmen dhe për pushimet.


Shigjetari


Në mëngjes do të jeni të angazhuar në zgjidhjen e çështjeve burokratike që do ju mërzisin jo pak. Bëni kujdes ndaj detajeve të vogla, pasi rrezikoni që të bëni çdo gjë nga e para. Një pazar i shfrenuar mund t’iu krijojë probleme me partnerin, ndaj shpenzoni vetëm aq sa ju lejon xhepi.


Bricjapi


Ndonëse prisnit që këtë të diel të pushonit, për fat të keq nuk do jetë kështu, pasi partneri do ju ngarkojë me një sërë detyrash që duhen përfunduar. Vetëm gjatë pasdites mund të relaksoheni paksa. Në mbrëmje do të ftoheni në një darkë familjare, por bëni kujdes të mos e teproni me ushqimin.


Ujori


Do të zgjoheni me humor të mirë, por shumë shpejtë kjo gjendje mund të ndryshojë, kur do t’iu duhet të merreni me disa punë në shtëpi. Megjithatë koha do jetë ideale për të shijuar rrezet e diellit. Bëni kujdes me alkoolin dhe duhanin.


Peshqit


Një zgjedhje e bërë disa ditë më parë, mund të rezultojë e gabuar, pasi intuita juaj nuk ju ka udhëzuar siç duhet. Një mundësi e mirë mund të paraqitet gjatë pasdites, ndaj mos u mendoni shumë, pasi mund t’iu ikë nga duart. Partneri juaj do organizojë një darkë të këndshme dhe në përfundim të saj momentet do jenë edhe më të bukura.


------ *** ------

Cila Ju Intereson?

 

Jeni vetë, apo njihni dikë, që është beqar/e në emigracion?

ATËHERË KLIKO KËTU!


------ *** ------

Next PostNewer Post Previous PostOlder Post Home

Pub. LGBT Shqip: